Для улучшения работы сайта и online-сервисов мы используем анонимные данные, передаваемые с помощью файлов cookies. Для запрета использования файлов cookies перейдите в настройки вашего браузера.
Людзям уласціва думаць, што няшчасце і непрыемнасці здараюцца толькі з іншымі. А калі не мець ілюзій?..
Страхаваць жыццё трэба, каб:
- не сумнявацца ва ўласным дабрабыце
- быць упэўненым у дабрабыце блізкіх
- атрымліваць даход, нават пры атрыманні траўмы
- атрымліваць падатковыя льготы за клопат аб сваёй будучыні
Прынцып работы
- Вы заключаеце доўгатэрміновы дагавор страхавання на перыяд ад 3 да 18 гадоў. На працягу тэрміну страхавання вы рэгулярна робіце страхавыя ўзносы, якія накопліваюцца на вашым асабовым рахунку.
- Пасля завяршэння тэрміну страхавання Стравіта выплачвае вам накопленую суму + дадатковы інвестыцыйны даход.
- На працягу ўсяго тэрміну дзеяння дагавора вы застрахаваны па выбраных рызыках. Пры надыходзе страхавога выпадку Стравіта праводзіць выплату ў адпаведнасці з умовамі дагавора і правіламі страхавання.
Нават калі вы не займаецеся экстрэмальным спортам і ваша работа не звязана са штодзённай рызыкай, прыгледзьцеся да праграм страхавання жыцця. Вы можаце накапіць на запланаваныя траты або сфарміраваць сур’ёзны капітал без урону для бюджэту.
Перавагі
Страхаванне жыцця, у першую чаргу, нацэлена на скарачэнне фінансавых рызык у выпадку праблем са здароўем застрахаванага.
Шэраг пераваг робяць паслугу «Страхаванне жыцця» сапраўды фінансава прывабным інструментам:
- Норма даходнасці
Вызначаецца ў дагаворы страхавання: 6% – BYN, валютны эквівалент: 2% - USD (пры тэрміне страхавання ад 5 гадоў), 2,5% - USD (пры тэрміне страхавання да 5 гадоў уключна), 3% – RUB.
- Дадатковы даход (страхавы бонус)
Штомесяц вызначаецца па выніках інвестыцыйнай дзейнасці кампаніі і дабаўляецца да накопленай сумы.
- Падатковыя льготы
Дзякуючы сацыяльнаму падатковаму выліку падатковая база змяншаецца на суму выплачаных страхавых узносаў (згодна з арт. 210 Падатковага кодэкса Рэспублікі Беларусь). Узносы, выплачаныя па дагаворах страхавання жыцця, і страхавыя выплаты не абкладаюцца падаходным падаткам.
Гарантыі
Страхавыя выплаты гарантуюцца не толькі актывамі прадпрыемства, але і дзяржавай (п. 3 Палажэння аб страхавой дзейнасці ў Рэспубліцы Беларусь, зацверджанага Указам Прэзідэнта Рэспублікі Беларусь ад 25.08.2006 № 530).
Умовы страхавання
Дагавор заключаецца на ўмовах правіл страхавання жыцця паміж страхоўшчыкам (Дзяржаўным прадпрыемствам «Стравіта») і фізічнай асобай, якая дасягнула паўналецця.
Вы самі выбіраеце:
- Тэрмін страхавання.
- Пералік страхавых выпадкаў.
- Памер узносу.
- Перыядычнасць выплаты: штомесяц, штоквартальна, раз у паўгода, штогадова або аднаразова.
Да страхавых выпадкаў адносяцца:
- дасягненне ўзросту (дажыццё) – заканчэнне тэрміну страхавання, вызначанага ў дагаворы;
- шкода здароўю – прычыненне шкоды здароўю застрахаванай асобы, што адбылося на працягу тэрміну страхавання ў выніку няшчаснага выпадку і суправаджаецца траўмамі;
- часовая непрацаздольнасць, што настала на працягу тэрміну страхавання з прычыны захворванняў, траўмаў і іх наступстваў;
- крытычнае захворванне – першаснае дыягнаставанне аднаго з крытычных захворванняў (анкалогія, інфаркт міякарда, інсульт) або правядзенне адной з хірургічных аперацый (аортакаранарнае шунтаванне, аперацыя на клапанах сэрца, перасадка органаў) на працягу тэрміну страхавання
- інваліднасць – устанаўленне інваліднасці застрахаванай асобе ў адпаведнасці з заканадаўствам Рэспублікі Беларусь на працягу тэрміну страхавання;
- смерць – смерць застрахаванай асобы на працягу тэрміну страхавання ў выніку падзеі, прадугледжанай правіламі страхавання.
Пры ўключэнні ў праграму страхавання рызыковых страхавых выпадкаў праводзіцца ацэнка рызыкі (андэррайтынг).
За 20 гадоў па праграмах страхавання жыцця застрахаваліся больш за 220,5 тыс. чалавек.
Сэрвіс для вас
Мы пастаянна вывучаем патрэбнасці нашых кліентаў і актыўна пашыраем межы сэрвіснага абслугоўвання:
Цэнтры і кропкі продажаў і абслугоўвання кліентаў Дзяржаўнага прадпрыемства «Стравіта» размешчаны на ўсёй тэрыторыі Рэспублікі Беларусь.
- Адтэрміноўка плацяжу (льготны перыяд)
Кампанія прадастаўляе магчымасць выплаты ўзносу на працягу месяца пасля надыходу тэрміну аплаты..
- Online аплата страхавых узносаў
Працэдура аплаты займае не больш за 5 мінут. Без камісійных збораў. Уся інфармацыя пры правядзенні анлайн-плацяжу надзейна абаронена: канфідэнцыяльныя даныя перадаюцца па зашыфраваным пратаколе.
- Асабісты кабінет кліента
Магчымасць у рэжыме online заключыць дагавор страхавання жыцця, выплаціць страхавы ўзнос, адсочваць стан свайго асабовага рахунку (назапашаная сума, тэрміны аплаты страхавых узносаў, сумы выплат), аформіць заяву на выплату.
Накапляльнае страхаванне жыцця – фінансавая стабільнасць для людзей, кіруючых сваёй будучыняй.