Інструкцыяй аб аб’ёме і парадку раскрыцця (апублікавання, распаўсюджвання, прадастаўлення) інфармацыі аб дзейнасці страхавых арганізацый, страхавых брокераў, зацверджанай пастановай Савета Міністраў Рэспублікі Беларусь ад 19.06.2014 № 35, прадугледжаны наступны пералік інфармацыі, якая падлягае раскрыццю на фірменным інтэрнэт-сайце:
- Найменне, звесткі аб месцазнаходжанні, дзяржаўнай рэгістрацыі страхавой арганізацыі, страхавога брокера (рэгістрацыйны нумар у Адзіным дзяржаўным рэгістры юрыдычных асоб і індывідуальных прадпрымальнікаў, дата прыняцця рашэння аб дзяржаўнай рэгістрацыі страхавой арганізацыі, страхавога брокера); нумар і дата выдачы ліцэнзіі страхавой арганізацыі, тэрмін яе дзеяння, інфармацыя аб унясенні ў яе змяненняў і (або) дапаўненняў, прадаўжэнні, прыпыненні, аднаўленні, спыненні тэрміну яе дзеяння і ануляванні; канкрэтныя віды абавязковага і (або) добраахвотнага страхавання, якія мае права ажыццяўляць страхавая арганізацыя ў адпаведнасці з ліцэнзіяй; інфармацыю аб дзеючым дагаворы добраахвотнага страхавання грамадзянскай адказнасці страхавога брокера за прычыненне шкоды ў сувязі з ажыццяўленнем прафесійнай дзейнасці; устаноўчыя дакументы страхавой арганізацыі, страхавога брокера; рэжым работы і тэлефоны для даведкі страхавой арганізацыі, страхавога брокера.
- Звесткі аб арганізацыйнай структуры страхавой арганізацыі,страхавога брокера ў разрэзе рэгіёнаў (вобласці і г. Мінск): найменне, месцазнаходжанне, рэжым работы і тэлефоны для даведкі адасобленых падраздзяленняў страхавой арганізацыі, страхавога брокера, а таксама стацыянарных рабочых месцаў, размешчаных па-за месцазнаходжаннем страхавой арганізацыі, страхавога брокера, іх адасобленых падраздзяленняў.
- Пры наяўнасці савета дырэктараў (наглядальнага савета) страхавой арганізацыі, страхавога брокера - яго арганізацыйная структура, паўнамоцтвы (курыруемыя пытанні).
- Арганізацыйная структура выканаўчага органа страхавой арганізацыі, страхавога брокера, яго паўнамоцтвы (курыруемыя пытанні), парадак (графік) прыёму грамадзян, у тым ліку індывідуальных прадпрымальнікаў, іх прадстаўнікоў, прадстаўнікоў юрыдычных асоб.
- Гадавая і прамежкавая індывідуальная справаздачнасць страхавой арганізацыі, страхавога брокера па стане на апошнюю справаздачную дату, складзеная ў адпаведнасці з патрабаваннямі заканадаўства, а таксама аўдытарскае заключэнне па гадавой індывідуальнай справаздачнасці.
Заўвагі да бухгалтарскай справаздачнасці страхавой арганізацыі, страхавога брокера, за выключэннем заўваг да бухгалтарскай справаздачнасці страхавой арганізацыі аб страхавых узносах (страхавых прэміях) і выплатах страхавой кампенсацыі і страхавога забеспячэння па дагаворах страхавання, сустрахавання і перастрахавання, на інтэрнэт-сайце страхавой арганізацыі, страхавога брокера не размяшчаюцца. - Звесткі аб памеры статутнага фонду, фактычна сфарміраванага страхавой арганізацыяй, страхавым брокерам, і мінімальным памеры статутнага фонду, устаноўленым заканадаўствам адпаведна для страхавой арганізацыі, страхавога брокера; зветскі аб памеры ўласнага капіталу страхавой арганізацыі ў аб’ёме, які забяспечвае канфідэнцыяльнасць інфармацыі, што змяшчае камерцыйную і іншую ахоўную законам тайну.
- Бізнес-план развіцця страхавой арганізацыі ў аб’ёме, які забяспечвае канфідэнцыяльнасць інфармацыі, што змяшчае камерцыйную і іншую ахоўную законам тайну, - у форме прэзентацыі або іншай зручнай для ўспрымання форме;
- Парадак звароту да страхавой арганізацыі пры надыходзе падзеі, якая паводле ўмоў правіл страхавання, на падставе якіх заключаны дагавор страхавання, можа быць прызнана страхавым выпадкам.
- Правілы па відах добраахвотнага страхавання, зацверджаныя страхавой арганізацыяй і ўзгодненыя з Міністэрствам фінансаў, а таксама базавыя страхавыя тарыфы па відах добраахвотнага страхавання.
- Прэс-рэлізы, паведамленні, у якіх змешчана істотная інфармацыя аб змяненнях у дзейнасці страхавой арганізацыі, страхавога брокера.
- Адрас інтэрнэт-сайта Міністэрства фінансаў
- Прадастаўленне інфармацыі органам замежных дзяржаў