Кароткі нумар
МТС, А1, life:)
Кароткі нумар МТС, А1, life:)
Кароткі нумар
МТС, А1, life:)
Праграмы накапляльнага страхавання даюць магчымасць засцерагчы ад небяспекі сваю будучыню: накапіць на дастойную пенсію, забяспечыць фінансавую стабільнасць у цяжкіх жыццёвых сітуацыях, сфарміраваць капітал сабе або свайму дзіцяці.
Накапляльнае страхаванне жыцця – гэта фінансавы інструмент, які спалучае ў сабе 2 паслугі: накапленне і страхаванне рызык.
Кліент заключае дагавор страхавання (мінімальны тэрмін страхавання – 3 гады), перыядычна робіць страхавы ўзнос, які дзеліцца на 2 складнікі:
Сума накапленняў па дагаворах страхавання жыцця ў многім залежыць ад умоў дагавора. Маюць значэнне ўзрост і пол застрахаванай асобы. Астатнія ўмовы дагавора кліент выбірае сам:
На працягу ўсяго перыяду накаплення кліент застрахаваны па рызыках, агавораных у дагаворы страхавання. І пры надыходзе страхавога выпадку яму выплачваецца страхавое забеспячэнне ў межах пазначанай у дагаворы сумы (ліміт адказнасці па страхавым выпадку). Колькасць праведзеных выплат па страхавым выпадку «шкода здароўю» ніяк не ўплывае на выплаты накопленай сумы.
Страхавая сума па накапляльных страхавых выпадках разам з даходнасцю (страхавым бонусам) выплачваецца толькі пасля заканчэння тэрміну страхавання.
Інвестыцыйная дзейнасць страхавых кампаній строга кантралюецца дзяржавай. Дзяржаўнае прадпрыемства «Стравіта» інвесціруе страхавыя рэзервы толькі ў высокаліквідныя фінансавыя інструменты, што гарантуе кліентам атрыманне на іх рахункі грошай з даходнасцю, устаноўленай дагаворам.
Калі кліент скасоўвае дагавор, сума выплаты можа быць значна меншай за суму выплачаных страхавых узносаў (умовы скасавання прапісваюцца ў дагаворы). Такія ўмовы страхавання прадугледжаны для матывацыі чалавека даводзіць выбраную праграму да канца, і не пазбавіцца страхавой абароны, мэтавых накапленняў або дадатковай пенсіі, на якія ён разлічваў.
Усе ўмовы страхавання, выплат і спынення дагавора прапісаны ў правілах страхавання і ў самім дагаворы.
У адрозненне ад іншых фінансавых інструментаў праграмы добраахвотнага страхавання жыцця і дадатковай пенсіі даюць магчымасць адначасова атрымаць:
З першага дня дзеяння дагавора чалавек застрахаваны па выбраных рызыках (шкода здароўю, інваліднасць, смерць). У выпадку іх надыходу Стравіта праводзіць страхавую выплату.
Страхавыя выплаты прадпрыемства гарантуюцца не толькі яго актывамі, але і дзяржавай. Пасля заканчэння тэрміну страхавання кліент у любым выпадку атрымае свае накапленні.
Зыходзячы з вынікаў сваёй дзейнасці, кампанія штомесяц да накопленай сумы налічвае дадатковы даход (страхавы бонус).
Калі ў дагаворы на выпадак смерці застрахаванай асобы назначаны выгаданабытчык, то страхавая выплата не ўключаецца ў склад спадчыны – яе атрымае толькі той чалавек, які названы ў дагаворы. Гэта клопат аб самых слабаабароненых членах сям’і, напрыклад, дзецях ад першага шлюбу або ўнуках.
На ўсю суму выплачаных страхавых узносаў прадастаўляецца падатковы вылік. Выплаты і страхавы бонус не абкладаюцца падаходным падаткам незалежна ад памеру.
Праграмы страхавання жыцця служаць інструментам для рэалізацыі розных доўгатэрміновых фінансавых мэт. Нават невялікія, але рэгулярныя інвестыцыі ператвараюцца на працяглым часавым інтэрвале ў значны капітал.
